22-05-2019

Dy finalet e “Championsit” e bëjnë të pavdekshëm Shaqirin

Mund të kalojë kohë e gjatë që një futbollist shqiptar të fitojë Ligën e Kampionëve, e edhe më e gjatë të sigurojë dy finale të Ligës së Kampionëve, sikur ka bërë Xherdan Shaqiri.

Futbollisti nga Kosova me shtetësi zvicerane do të kthehet në finalen e “Championsit” më 1 qershor, kur skuadra e tij Liverpool do të ndeshet me Ajaxin në Madrid.

Por njëjtë sikur gjashtë vjet më parë kur fitoi titullin e garës më të çmueshme evropiane me Bayernin, edhe këtë herë roli i Shaqirit te skuadra e tij mbetet periferik, shkruan sot Koha Ditore.

Ai mund të fitojë titullin e dytë të Ligës së Kampionëve, por vazhdon të mbetet në kërkim të vendit në ekipin e parë.

Shaqiri luajti në ndeshjen e kthimit gjysmëfinale ndaj Barcelonës, të cilën Liverpooli e fitoi 4:0 të martën, por kjo paraqitje ishte e para si titullar pas shumë kohësh. Dhe, për më tepër, ajo iu mundësia pasi dy lojtarë të sulmit, Mohamed Salah dhe Roberto Firmino ishin të lënduar.

Asnjë koment

Comments are closed.