Sipas kryetarit Haskuka, nga dita e nesërme do të zyrtarizohen në krye të disa drejtorive emra të rinj, të cilët do t’i bëj publik vet ai.

Po sipas tij, ndryshime të drejtorëve do të ketë në 10 drejtori nga 13 gjithsejtë sa janë në qeverisjen lokale.

Sipas disa burimeve të TV Prizreni, Osman Krasniqi nga Lëvizja Vetëvendosje pritet të emërohet drejtor i ri i Shërbimeve Publike në vend të drejtorit të deritanishëm po nga LVV, Levent Kasëmi, ndërsa pritet që një drejtori të udhëhiqet nga ministrja e deritanishme e Adiministrimit të Pushtetit Lokal, Emilia Rexhepi, nga partia e komunitetit boshnjak NDS që është partnere e koalicionit qeverisës në Prizren me Lëvizjen Vetëvendosje./tvprizreni.info/