Ministria e Shëndetësisë njofton se sot kanë ndërruar jetë dy persona si pasojë e COVID-19.

Sipas njoftimit, janë regjistruar edhe 183 raste të reja, nga testimi i 2,787të dyshuarve për koronavirus.

Ndërkohë numri i rasteve aktive me COVID-19 aktualisht është 4,541.

Sa i përket vaksinimit, gjatë 24 orëve të fundit në tërë Kosovën janë dhënë 579 vaksina. Me dozë të dytë deri tani janë vaksinuar 813,099 qytetarë, ndërkaq me dozë të tretë dhe përforcuese janë vaksinuar 95,935 qytetarë.

Numri i dozave të administruara deri më tani është 1,807,323.