Haskuka: Ambasada e Hungarisë po planifikon një Konsullatë Nderi në Komunën e Prizrenit!

Kryetari i Prizrenit, Mytaher Haskuka sot ka pritur në takim ambasadorin e Hungarisë në Kosovë, z. József Bencze, me të cilin ka biseduar për intensifikimin e bashkëpunimit, përkatësisht binjakëzimin e Komunës së Prizrenit me Komunën Pecs, qytet i kulturës në Hungari.
“Me këtë rast, me ambasadorin Bencze diskutuam për realizimin e aktiviteteve të përbashkëta në fushën e kulturës në dy qytetet tona, ndërkaq përveç kësaj, ambasadori na njoftoi edhe për mbështetjen që do të ofrojnë për vendin tonë në projekte të ndryshme, si dhe mundësitë që i ofron shteti hungarez për shkollimin e 75 studentëve kosovarë në Hungari”, ka deklaruar pas takimit Haskuka.
Sipas tij, Ambasada e Hungarisë është duke planifikuar të themelojë një Konsullatë Nderi në Komunën e Prizrenit!