Sekretari i klubit të futbollit “Liria” të Prizrenit, Bashkim Kajdomçaj  i ka shprehur ngushëllimet më të thella me rastin e ndarjes nga jeta, të kryetarit të FFK-së, Fadil Vokrri.

“I pikëlluar thellë me rastin e ndarjes nga jeta, të kryetarit të FFK-së e mikut tim, më lejoni që Juve familjarë, drejtues të FFK-së, miq e shokë tashmë të të ndjerit Vokrri, më lejoni t’ju shprehë ngushëllimet e mia më të sinqerta, për këtë humbje jo vetëm për futbollin kosovar dhe jo vetëm për sportin”, ka shkruar ai.

“Kjo ikje para kohe e legjendës, ikonës së futbollit shqiptar, na ka hidhëruar thellë. Njerëz si kryetari Vokrri, nuk vdesin”.

Kajdomçaj ka shkruaj më tej se “Ata, ikin në përjetësi. I dashur mik, edhe ti përjetësinë e ke fituar me vepra. Krenar që të njoha nga afër. Edhe më krenar për atë që ke bërë për futbollin. Prehu në paqe, legjendë. Me pikëllim të thellë Bashkimi!”.