Kryetari i Komunës së Dragashit, Shaban Shabani, ka ngushëlluar familjen për vdekjen e 4-vjeçares, të cilën e mori rrjedha e lumit të fshatit Blaq të kësaj komune.

Në telegram ngushëllimin thuhet se lajmin për vdekjen e saj e kanë pranuar me dhimbje të madhe.

Telegram ngushëllimi i kryetarit Shaban Shabani

E dashur familja Neziri.

Qytetarët e Dragashit dhe unë personalisht, me pikëllim dhe dhembje të thellë morëm lajmin për aksidentin që i mori jetën vajzës tuaj, H.N.

E dashur familje N.,

familjes tuaj, të afërmve dhe miqve, në emrin tim dhe në emër të qytetarëve të Dragashit, bashkëvendasve tuaj, ju shpreh ngushëllimet më të thella për humbjen e vajzës. Ndajmë me ju dhembjen e madhe.

Qoftë i përjetshëm kujtimi.