Kryetari Haskuka, apelon për respektim të masave në shërbim të luftës për të mbrojtur shëndetin publik, dhe bën thirrje publike që nesër mos të dalin qytetarë për të festuar Karabashin.Kryetari i Prizrenit, Mytaher Haskuka, tha se lehtësimi i masave nga institucionet përkatëse është keqkuptuar nga shumë qytetarë, të cilët në numër të madh janë parë sot në qytet e sidomos pjesëmarrësit në komunikacion.

Rreziku akoma nuk ka kaluar. Dje në Prizren kishim 3 raste të reja me COVID-19. Kemi ende kontakte të të infektuarve që duhet të testohen.Lehtësimi i lëvizjes dhe i punës së bizneseve nuk do të thotë që kemi kaluar gjendjen emergjente shëndetësore.

Pra nuk janë hequr masat për lëvizjen brenda komunës sonë.Institucionet e rendit dhe inspektoratet janë në detyrë, por ato nuk mund të jenë gjithkah dhe gjithë kohën. Andaj, t’i ndihmojmë ata që të kryejnë punën e tyre, ka apeluar Haskuka. Kryetari Haskuka, ka apeluar tek qytetarët që për shkak të gjendjes së pandemisë nga Covid-19 nuk lejohet tubimi i qytetarëve për festën e Karabashit, dhe se sipas tij, komuna në bashkëpunim me Policinë ka hartuar një plan për moslejimin e grumbullimit të qytetarëve.

Ndryshe, gjatë ditës së sotme, në Prizren janë hapur disa biznese dhe është vërejtur një numër i theksuar i qytetarëve në rrugët e qytetit sidomos me pjesëmarrje të lartë në trafik./tvprizreni.info

P. S Foto e vitit te kaluar