Kështu, Seria A bëhet gati të hapë dyert për mijëra tifozë. Jo vetëm 10% e kapaciteteve të stadiumeve, por më shumë, siç tregoi sot zëvendësministri i Shëndetësisë, Pierpaolo Sileri.

Lexo edhe:

Ku mbeti premtimi i kryetarit Haskuka për zhbllokimin e rrugës transitore?

“Në momentet kur ruhen dy metra distancë sigurie nga një person të tjetri, me rregulla të sakta, ndalohen përqafimet, përdoret maska dhe higjienizues të tjerë, unë mendoj se prania e tifozëve në stadium mund të shkojë deri në një të tretën e kapacitetit të stadiumit. Në rastin e stadiumit “Olimpico” të Romës, i cili mund të mbajë deri në 80 mijë persona, mendoj se prania në ndeshje mund të arrijë në 20-25 mijë njerëz”, theksoi ai.

Një lajm i mirë për Serie A, e cila ka humbur të ardhura të ndjeshme si pasojë e problemeve financiare që rrodhën nga mungesa e tifozëve në shkallët e stadiumeve pas ndalesës për shkak të COVID-19.

Të gjitha klubet italiane kanë kërkuar thuajse njëzëri kthimin e tifozëve me numra më të mëdhenj që në ndeshjet e javëve të ardhshme, e jo 10% siç parashikohej në fillim, por pritet që kjo të ndodhë në javët e para të tetorit.