05-12-2020

Me 10 qershor Qeveria mban mbledhjen në Lidhjen e Prizrenit

E diela, 10 qershor 2018, shënon 140 vjetorin e Lidhjes së Prizrenit.

Në këtë ditë do të mbahen dhjetëra aktivitete. Ndër to, edhe mbledhja e qeverisë së Kosovës, në hapësirën e Kompleksit të Lidhjes.

I gjithë fokusi të dielën do të jetë në kryeqytetin historik të Kosovës, Prizrenin, transmeton KosovaPress.

Herët, në oborrin e Lidhjes së Prizrenit vihet gurthemeli i kompozicionit të shtatoreve të liderëve të Qeverisë së Lidhjes.

Pas kësaj, bëhet hapja e ekspozitës së buqetave të skulptorëve për konkursin mbarëkombëtar dhe ekspozita e Bankës Qendrore të Kosovës dhe Bankës Qendrore të Shqipërisë me monedha të vjetra, nga koha e Skënderbeut.

Në orën 10:00 është paraparë të mbahet Seanca Solemne e Kuvendit të Kosovës, me rastin e shënimit të 140 vjetorit të Lidhjes së Prizrenit (Hapësira e Kompleksit të Lidhjes), në po këtë vend do të mbahet edhe Akademia Solemne.

Në ora 11:30 do të jetë një konferencë për media e në mesditë organizohet turniri ndërkombëtar i Mundjes.

Në orën 13:00 do të ketë konferencë shkencore 140 vjetori i Lidhjes, nga tri institutet e Historisë: Tiranë, Shkup dhe Prishtinë, e në orën 15:00 hapet Ekspozita mbarëkombëtare në pikturë në Hamamin e qytetit./koha.net/

Asnjë koment

Comments are closed.