Gjatë ditës së sotme është shembur fasada e një ndërtese në Suharekë.

Indeksonline ka kontaktuar me kryetarin e kësaj komune, Bali Muharremaj i cili e ka konfirmuar ngjarjen.

Ai tha se askush nuk ka mbetur i lënduar nga ky rast.

“Lëndime nuk ka, unë kam dal në vendin e ngjarjes, aty ka qenë edhe inspekcioni dhe policia, tani janë vendosur edhe shiritat”, tha Muharremaj.

Tani është duke u pastruar vendi, nga kompania e pastrimit.

Muharremaj tha se ndërtesa është renovuar në vitin 2017, dhe atëherë ai nuk ka qenë kryetar i kësaj komune.

Ndërsa, kompanisë e cila e ndërtoi këtë objekt, do t’i shikohet kontrata dhe garancioni.

“Tash kemi me kqyr kontratën e kompanisë dhe a ka pas garancion”, shtoi kryetari i kësaj komune.