30-07-2021

Naftë me çmim më të ultë për bujqit prizrenas

Fermerët e komunës së Prizrenit, do të përfitojnë ulje prej 5 centësh për litër nga çmimi i karburanteve.

Marrëveshja e bashkëpunimit në mes kompanisë “Hib Petrol” dhe Komunës së Prizrenit, respektivisht Drejtorisë së Bujqësisë dhe Zhvillimit Rural parasheh furnizimin me derivate në mbështetje të fermerëve.

Në kumtesën e Komunës së Prizrenit, thuhet se marrëveshja ka të bëjë vetëm për mjetet mekanike bujqësore.

“Të gjithë fermerët që dëshirojnë të përfitojnë nga zbritja e çmimit ditor të tregut duhet të paraqesin numrin identifikues të fermerit (NIF) e që janë të regjistruar në Drejtorinë e Bujqësisë si fermerë”, thuhet në njoftim.

Marrëveshja e arritur vlen një vit, me të drejtë vazhdimi”, thuhet në njoftimin e Komunës së Prizrenit./GazetaePrizrenit.net/

 

Asnjë koment

Comments are closed.