Në shkollat e Suharekës kërkohet rritja e nivelit të pastërtisë
Kryetari i Komunës së Suharekës, Bali Muharremaj, ka kërkuar nga punëtorët teknik të shkollave fillore dhe të mesme që të punojnë për të siguruar ambient të pastër si brenda ashtu edhe jashtë ndërtesave shkollore.
Kreu i Komunës i ka takuar mirëmbajtësit e shkollave në sallën e Kuvendit të Komunës, me ç’rast ka vënë në pah rëndësinë e pastërtisë për gjithë komunitetin shkollor.
Në njoftimin e Zyrës komunale për informim thuhet se Muharremaj ka takuar të gjithë punëtorët teknikë të shkollave të Komunës së Suharekës.
Javën e kaluar, Muharremaj në prag të fillimit të vitit të ri shkollor pati takuar edhe drejtorët e shkollave fillore dhe të mesme të Komunës së Suharekës , prej të cilëve pati kërkuar angazhim maksimal për të siguruar cilësi, rend dhe ambient të pastër në të gjitha shkollat
