18-09-2020

Pajtohen për kapjen e shkelësve të ligjit

Kryetari i Prizrenit, Mytaher Haskuka, ka marrë premtime nga kryeprokurori i Prokurorisë Themelore, Admir Shala, dhe kryetari i Gjykatës Themelore, Ymer Hoxha, se do t’i trejotojnë me prioritet rastet që do t’i denoncojë komuna.

Ata janë pajtuar se do të bashkëpunojnë në kapjen e shkelësve të ligjit.

“Kam deiskutuar rreth të gjeturave të fundit nga dikasteret komunal për dyshime të shkeljeve të Ligjit të Lumenjve, Qendrës Historike të Prizrenit , Hekurudhave dhe ndërtimeve pa leje”, tha Haskuka.

Ai tha se komuna ka inicuar mbi 34 raste, për të cilat pret që edhe organet e hetuesisë dhe të drejtësisë të thonë fjalën e vetë.

Në anën tjetër, Kryeprokurori i Prizrenit, Admir Shala, tha se të gjitha rastet e iniciuara nga komuna, do të trajtohen me prioritet, “e disa sosh tashmë i janë nënshtruar hetimeve”.

Ai tha se në të gjitha rastet ku evidentohen shkelje ligjore, do të procedohen të gjitha lëndët nga Prokuroria.
“Në shërbim të mbizotërimit të rendit dhe ligjit në komunën e Prizrenit, do të jetë edhe Gjykata Themelore e Prizrenit”, u zotua kryetari i saj, Ymer Hoxha./tvprizreni.com/

Asnjë koment

Komento