Policia ka dhënë disa hollësi, rreth vdekjes së djeshme të çiftit bashkëshortor në Prizren.

Çifti që kishte ardhur para tri ditësh nga Suedia në vendlindje Durim Hadri dhe Suada Hadri u gjetën pa shenja jete dje në mëngjes në shtëpinë e tyre, raporton Gazeta e Prizrenit.

Sipas policisë po cilësohet si vrasje e rëndë. Në raportin e sotëm të policisë, thuhet se në vendin e ngjarjes janë gjetur dhe janë konfiskuar një pistoletë me pesë fishekë, një kuti me 49 fishekë dhe dy gëzhoja.

Sipas prokurorisë, në trupat e viktimave janë vërejtur plagë të shkaktuara nga arma e zjarrit. Gjatë shikimit në vendin e ngjarjes, është gjetur një armë e zjarrit – pistoletë, për të cilën dyshohet se mund të jetë arma me të cilën është kryer vepra penale.

Me vendim të prokurorit, trupat e pajetë janë dërguar në IML për obduksion”, ka thënë sot policia./GazetaePrizrenit.net