Në anën tjetër, anëtarët e KK-së kanë vlerësuar përmbajtjen e dokumentit, por kanë kërkuar që ai të gjejë zbatim në praktikë. Në mesin e tyre ka pasur edhe këshilltarë që haptazi kanë shprehur skepticizmin për jetësimin e veprimeve të parapara në strategji, duke arsyetuar se dokumente të ngjashme janë aprovuar edhe në të kaluarën dhe se të njëjtat dokumente kanë mbetur vetëm vizione në letër.

Fatime Uka nga Drejtoria për Turizëm dhe Zhvillim Ekonomik para anëtarëve të KK-së ka bërë të ditur se strategjia pesëvjeçare është hartuar nga “Swisscontact”, dhe se Komuna e Prizrenit është përgjegjëse për zbatimin e saj, derisa organizata zvicerane do të ofrojë ekspertizë në këtë drejtim.