Edhe një mjek kosovar ka humbur betejën me koronavirusin

Mëngjesin e sotëm është ndarë nga jeta mjeku familjar, Kujtim Zarari. I ndjeri vdiq në moshën 51-vjeçare.

Lajmin për ndarjen e tij nga jeta e ka bërë të ditur Oda e Mjekëve të Kosovës, pjesë e së cilës ishte edhe vetë Zarari.

Gjatë ditës së djeshme nga koronavirusi ka vdekur edhe mjeku nga Prizreni Lulzim Kolgjeraj, i cili ka shërbyer në shëndetësinë primare në QMF në këtë komunë.

Numri i mjekëve që kanë vdekur nga koronavirusi gjatë këtij muaji ka shkuar në 4.