13-05-2021

Asamblistja Balaj alarmon: Komuna e Prizrenit ndau 23 mijë euro për web-faqen e një drejtorie

Asamblistja e PDK-së në komunën e Prizrenit, Sherife Balaj ka akuzuar drejtuesit komunalë të Prizrenit për ndarjen e 23 mijë eurove për krijimin e web faqes për Drejtorinë e Turizmit.

Ajo ka reaguar përmes një statusi në Facebook duke thënë se është e panevojshme një faqe e tillë kur komuna e ka faqen zyrtare që i mbulon të gjitha drejtoritë.

“23 mijë Euro , për mirëmbajtje të web faqes së një drejtorie komunale në Prizren. Nuk e di a ekziston ajo web faqe, sepse web faqja e Komunës i mbulon të gjitha drejtoritë dhe zyret komunale”, ka shkruar Balaj.

Ajo është një nga asamblistet më aktive në Prizren dhe jo rrallë herë ka qenë kritike në drejtim të pushtetit të Vetëvendosjes në Prizren./lajm365

Asnjë koment

Comments are closed.