04-12-2020

Familja e imamit nga Shkoza e Malishevës u kërkon falje publike Haradinajve

Familja Bytyçi nga Shkoza e Malishevës ka bërë një kërkimfalje publike ndaj Familjes Haradinaj, për deklaratën e imamit të fshatit Fortesë të Rahovecit, lidhur me varrimin e Hilmi Haradinajt – babait të kryeministrit Ramush Haradinaj.

“Ne familja Bytyçi, farefisi nga Shkoza, i kërkojmë falje publike familjes Haradinaj, nga Gllogjani, për postimin e një deklarate të pamatur të anëtarit të familjes sonë, disa ditë më parë. Ne si familje, distancohemi nga deklarata e anëtarit të familjes sonë bërë më 17 qershor, ditën që familja Haradinaj, njoftoi për vdekjen e më të dashurit të tyre”, thuhet në kërkim faljen publike, përcjell Klan Kosova.

“Krahas kësaj kërkim falje, paksa me vonesë për shkak të shokimit nga deklarata që na ka shqetësuar rëndë edhe neve si familje, ne i shprehim ngushëllimet më të sinqerta familjes dhe farefisit Haradinaj, për vdekjen e më të dashurit të tyre, Hilmi Haradinaj”.

Bedri Bytyçi në ditën e vdekjes së Hilmi Haradinajt kishte bërë thirrje që hoxhallarët të mos marrin pjesë në ceremoninë e varrimit të tij.

Asnjë koment

Comments are closed.