Mbrëmë, në Prizren, filloi edicioni i parë i Festivalit Ndërkombëtar të Teatrit, në ambient të hapur, “PrizrenFest”.

Deri më 4 gusht 2022, në shtatë skena të ndryshme teatri, do të realizohen dhjetë shfaqje: nga Italia, Rumania, Turqia, Bosnja dhe Hercegovina, Shqipëria dhe Kosova.

Në një njoftim nga Komuna, thuhet se përveç shfaqjeve, do të realizohen edhe panele diskutimi, punëtori dhe ekspozita të ndryshme në kuadër të programit plotësues të feativalit.

“PrizrenFest”, krahas festivaleve dhe ngjarjeve të tjera kulturore të cilat po mbështeten nga Komuna e Prizrenit, padyshim po e rikthejnë qytetin tonë në hartën e qyteteve kulturore.