Paraburgim burrit nga Romaja, sulmon të dashurën në Prizren

Gjykata Themelore e Prizrenit, Departamenti i Përgjithshëm penal, duke vendosur sipas kërkesës së Prokurorisë Themelore të Prizrenit, ka caktuar masën e paraburgimit në kohë zgjatje prej një (1) muaji ndaj të pandehurit me iniciale Z.Q. nga fshati Romaj, Komuna e Prizrenit për shkak të dyshimit të bazuar se ka kryer veprën penale lëndim i lehtë trupor.

Në përshkrimin e lëndës, thuhet se gjykata me datën 31.07.2018 rreth orës 19:50 minuta, në Prizren i pandehuri me sjellje kundërligjore e ka lënduar të dëmtuarën – të dashurën e tij, duke pasur parasysh edhe faktin se i pandehuri edhe më herët ka pasur sjellje të tilla të përsëritura ndaj të dëmtuarës, raportet mes tyre janë të acaruara.

Për këtë duke pasur parasysh këto rrethana dhe fakte, kjo e arsyeton dyshimin e bazuar se me qëndrimin e tij në liri i njëjti mund të përsërisë veprën penale andaj caktimi i paraburgimit është i bazuar dhe i arsyeshëm për sigurimin e prezencës së të pandehurit dhe zhvillimin normal të rrjedhës së procedurës penale-hetimore.