16-10-2021

Policia përdor sprejin për të vënë nën kontroll tre persona

Tre suharekas kanë refuzuar t’u tregojnë zyrtarëve policorë mjetet e identifikimit dhe si pasojë policët janë detyruar ta përdorin sprejin ndaj tyre.

Në një pikë kontrolli policia pasditën e kaluar në Suharekë ka ndaluar një veturë me ç’rast ka kërkuar nga tre personat të cilët ishin në veturë mjetet e identifikimit.

Siç sqaron policia të dyshuarit kanë refuzuar kërkesën e policisë dhe kanë filluar të fyejnë zyrtarët policorë.

Pasi që të dyshuarit nuk kanë ndaluar së ofenduari, patrulla policore ka vënë situatën nën kontroll duke përdorur sprej ndaj të dyshuarve.

Në raport nuk raportohet për të lënduar.

Tre të dyshuarit pas intervistimit me vendim të prokurorit janë liruar, kurse rasti mbetet nën hetime./kallxo.com

Asnjë koment

Comments are closed.