Prizren: Voziti 105 km/h në zonën 50/- vozitësit i pezullohet patentë shoferi
Një person u kap në Prizren duke vozitur me 105 km/h në zonën 50.
Policia e Prizrenit në rrugën “Rrustë Kabashi” gjobiti të dyshuarin me 500 euro, 5 pikë negative dhe ndalimin e drejtimit të mjeteve motorike për një vit.
Rasti ka ndodhur më 18.02.2024.
“Me datën 18.02.2024 njësiti policor nga Njësia e Komunikacionit Rrugor në Prizren, në pikë kontrolli të automjeteve në rrugën ‘’Rrustë Kabashi’’ në Prizren, ka hasur në një kundërvajtës i cili në zonën ku kufizimi i shpejtësisë së lejuar me shenjë të trafikut është pesëdhjete (50) km/h duke vozitur me shpejtësinë prej njëqind e pesë (105) km/h.
Ndaj këtij kundërvajtësi është shqiptuar gjoba në vlerë prej pesëqind (500) euro, e pesë (5) pikë negative dhe masa e përkohshme e ndalim drejtimit të mjeteve motorike në afat prej një viti (1)” .
