25-11-2020

Shtatë komuna në karantinë për fundjavë

Pos vendimit të Qeverisë së Kosovës që ndaloi veprimtarinë e shumë bizneseve në vend për vikend, Ministria e Shëndetësisë ka marrë një vendim tjetër, për shtatë komuna ku gjendja paraqitet më e rëndë me COVID-19.

Komuna e Prizrenit nuk është përfshirë në këto masa, ndonëse gjendja 24 orët e fundit ka qenë alarmante, pasi është raportuar për tre të vdekur me Covid dhe 47 të infektuar.

Qytetarët në komunat Prishtinë, Fushë-Kosovë, Gjilan, Obiliq, Gjakovë, Podujevë dhe Shtimje nuk do të mund të kenë hyrje dalje.

Masa do të vlejë nga ora 20.00 e së premtes deri në orën 05.00 të së hënës.

Lexo edhe:

Alarmante: Tre të vdekur me Covid dhe 47 të infektuar gjatë 24 orëve në Prizren

“Pas vendosjes së masave nga Qeveria e Republikës së Kosovës me datë 01.11.2020, me vendimin Nr.01/39, me rishikim brenda dyjavësh të situatës epidemiologjike, edhe në këtë javë kemi rritje të përshpejtuar të rasteve pozitive me COVID-19, andaj me qëllim të mbrojtjes së popullatës nga COVID-19 dhe shmangies së lëvizjeve të qytetarëve, me propozim të Ministrisë së Shëndetësisë, dhe në përputhje me rekomandimet e IKSHPK-së, vendosi si në dispozitiv të këtij vendimi”, thuhet në arsyetimin e MSH-së.

Ministria ka bërë paralajmërim se çdo komunë tjetër që hyn në zonën e kuqe të infeksionit për kokë banori, do të karantinohet.

Image

Asnjë koment

Comments are closed.