29-09-2022

Suharekasi kërcënon me armë anëtarët e familjes – motra thërret Policinë

Përdorimi i alkoolit po u shkakton telashe të mëdha të rinjve kosovarë, të cilët shpesh humbin kontrollin mbi veprimet e tyre, duke u bërë kështu agresivë e duke krijuar probleme. Një rast i tillë ka ndodhur mbrëmë në fshatin Mushtisht të Suharekës, raporton Gazeta Sinjali.

Sinjali mëson se rastin në Polici e ka denoncuar një grua, e cila ka deklaruar se vëllai i saj i dehur po kërcënon anëtarët e familjes. Sipas saj i dyshuari mbante një armë zjarri në dorë.

Njësitet policore kanë dalë menjëherë në vendin e ngjarjes ku kanë kryer bastisje brenda shtëpisë së të dyshuarit, mirëpo s’kanë gjetur asgjë të dyshimtë. Ndërsa 35-vjeçari është larguar në drejtim të panjohur.

Asnjë koment

Comments are closed.