23-10-2019

Dy të arrestuar për posedim të substancave narkotike në Prizren

Dy të dyshuar  (K/shqiptarë) janë arrestuar pasi gjatë kontrollit tek njëri prej të dyshuarve është gjetur dhe konfiskuar një qese me substancë të dyshuar narkotike të llojit marihuanë me peshë 0.6 gram.

Gjatë bastisjes në banesën e të dyshuarit tjetër janë gjetur dhe janë sekuestruar: një qese plastike me substancë të dyshuar si kokainë me peshë 0.35 gram, dy pajisje për bluarjen e marihuanës, një shufër metalike, një fishek i pushkës dhe një telefon celular.

Përveç dëshmive të cekura janë konfiskuar para të gatshme 6500 €, 270 franga, 225 dollarë amerikanë, të cilat dyshohet se janë fituar nga shitja e substancave narkotike. Pas intervistimit me vendim të prokurorit njëri prej të dyshuarve është liruar në procedurë të rregullt, ndërsa i dyshuari tjetër është dërguar në mbajtje për 24 orë./GazetaePrizrenit.net/

Asnjë koment

Comments are closed.