Në ndeshjen e fundit, edhe pse Drita shkoi në pushim me epërsi 2:0, në fund u përmbys nga Malisheva, duke pësuar humbje me rezultat 3:2.

Në pjesën e parë, gjilanasit u treguan më konkretë dhe arritën të krijojnë avantazh të dyfishtë me golat e Mike Arthurit dhe Oniks Grezdës, në një formacion ku trajneri Ramadani kishte bërë disa ndryshime dhe kishte aktivizuar edhe futbollistë të rinj nga akademia.

Megjithatë, pjesa e dytë i takoi plotësisht Malishevës, e cila arriti të reagojë fuqishëm dhe të shënojë tre herë, duke përmbysur rezultatin dhe duke siguruar tri pikë të rëndësishme.

Me këtë fitore dhe me humbjen e Ballkanit, Malisheva e ka siguruar përfundimisht vendin e dytë në tabelë me 59 pikë.

Ndërkohë, Drita, pavarësisht formës së dobët në xhirot e fundit, e mbyll sezonin si kampione me 66 pikë të grumbulluara./KK