Dy persona janë arrestuar në Suharekë për falsifikim të parave, ndërsa është konfiskuar edhe automjeti në të cilin bartnin ato bashkë me disa pako cigaresh.

Një patrullë e Stacionit Policor në Suharekë, përderisa dje rreth orës 14:00. po patrullonte në rrugën “Xhavit Syla” të qytetit, ka ndaluar një automjet në të cilën ndodheshin tre persona, dy meshkuj e një femre.

“Gjatë kontrollit të automjetit janë gjetur dhe konfiskuar një shumë e konsiderueshme  e parave të dyshuara në vlera monetare të ndryshme dhe pako të cigareve të llojeve të ndryshme”, thuhet në njoftimin e policisë rajonale në Prizren.

Është konfiskuar edhe automjeti, ndërsa me vendim të prokurorit dy nga të dyshuarit dërgohen në mbajtje./GazetaePrizrenit.net/