Kuvendi i Prizrenit pritet që këtë javë të mbajë seancë të jashtëzakonshme lidhur me gjendjen në arsim.
Kuvendarët e Nismës Socialdemokrate në Prizren janë duke mbledhur nënshkrime për këtë, raporton “Gazeta e Prizrenit”.
Kjo vjen pas vendimit të kryetarit të Komunës së Prizrenit, Mytaher Haskuka për të larguar disa nga drejtorët e zëvendës drejtorët e shkollave në mënyrë selektive, pa konkurs, duke tentuar t’i zëvendësojë ata pa kriter me mësimdhënës “të dëgjueshëm”.
Opozita ka numrin e mjaftueshëm të votave, apo 2/3 e tyre, që është më tepër se duhet për të kërkuar seancë të jashtëzakonshme.
Tre nga shtatë të emëruarit nga Haskuka për drejtorë shkollash nuk e pranuan detyrën
Burimet të portalit “Gazeta e Prizrenit” konfirmuan se ka pasur konsultime të përfaqësuesve të grupeve opozitare për thirrjen e seancës së jashtëzakonshme, dhe se ata janë pajtuar ta përkrahin iniciativën e Nismës.
“Duke parë gjendjen e rëndë në arsimin e Prizrenit që vjen si rezultat i paaftësisë, por edhe ndërhyrjes politike nga z.Haskuka në prag të fillimit të vitit shkollor” , do të kërkojmë një seancë të jashtëzakonshme!”, thuhet në njoftimin e grupit të Nismës në Prizren. / GazetaePrizrenit.net /
